اللى تفكر تتجوز تيجي تقرى الاول

نصيحة منى لكل اللى جايلها عريس تبعد عن موضوع الجواز ده خالص
هية هتستفاد ايه يعنى ؟؟؟؟؟؟؟؟؟؟
يومين حلوين وبعد كدة هتطلع عينيها لما الاكل بتاع حلة الاتفاق يخلص والاكل بتاع الصباحية وهتبتدى بقى تطبخى وتغسلى وتمسحى وبعد كدة تجيبى دستة عيال تطلع عينيكى
لكن شوفى بقى معايا لو عنستى هيبقى ليكى مميزات اد اييييييييه
اولا ...دلوقتى بتنامى براحتك عالسرير وبتتحركى براحتك وترزعى فى السرير بمزاجك لكن لو جمبك حد وخد منك شلوتين وبوكسين وصحى من النوم اكيد هتلاقى نفسك فى الشارع بعدها علطول وتفتكرى ان ده حلم لحد ما تصحى الصبح وتلاقى العربيات حواليكى
ثانيا ........هتتغطى لوحدك ومحدش هياخد الغطاء منك خصوصا لو الدنيا برد طبعا
ثالثا........هتتفرجى على التليفزيون براحتك ومحدش هيقولك غيرى القناة ولا ايه الهبل اللى بتتفرجى عليه ده خصوصا لو انتى زى حالاتى وبتحبى قناة space toon
رابعا.......مفيش تنضيف وغسيل وطبيخ غير ليكى لوحدك وعلى مزاجك ومحدش هيتنك عليكى
وطبعا لما هتنضفى البيت مرة فى السنة هيفضل نضيف للسنة اللى بعدها لانك مش هتبوظيه وانتى اللى منضفاه
خامسا.......طبعا هتشترى اللى انتى عيزاه لو انتى بتشتغلى وجوزك مش هيقدر يقولك علاج الواد اهم او دروس الواد او البامبرز بتاع الواااااااااااااااااااااااااااااااااد
سادسا.........مفيش زيارات كتير بقى وخنقة من دى عشان انتى عروسة والكلام الفارغ ده
سابعا.......انتى ايه اللى يغصبك على المسئولية دى ؟ هوة كان من بقية اهلك ؟
ثامنا........ممكن تتخطبى وتجيبى شبكة وتطلعى عينه وتخليه يسيبك بس يقولك هاتى الشبكة اوعىىىىىىىىىىى هوة اللى سايبك يا ناصحة
تاسعا.........بلاش دى عشان هتزعلى
عاشرا بقى ..........دى نصايح متحاوليش تعمليها عشان مشيلش ذنبك

عموما يا ستى متاخديش فى بالك واللى ربنا كاتبهولك هوة اللى يحصل بس يعنى الى متجوزتش متزعلش لان ممكن تتجوز واحد ويطلع عينها وساعتها تقول ياريتنى مااتجوزت ولا عرفته
ومتنسيش ان فوائد العنوسة اكتر من فوائد الجواز




اى خدمة اهوه مش حارمكم من حاجة

ههههههههههههههههههههههههههههههههههه
دى الحقيقة
وقولنا مرة نحن نختلف عن الاخرون
هههههههههههههههههههههههههههه
ما تخافيش يبقي انتى وشعنونة فاضل اتنين
هههههههههههههههههههههههه
فاضل اتنين

انتى الذ يا قمر بجد مش عارف اقول اية انتى كدا احرجتيني
مرسي يا قمر وتسلم العيون اللى قرتها

وخلا انتى معاهم كمان