الحجاب الي مش حجاب

نقول بسم الله الرحمن الرحيم

يالا نبدا

طبعا كلنا عارفين الموضه اليومين دول و بلاوي الموضه و انا معرفش حد اتكلم عنها و لا لا
بس انا مش هكلم عليها لاني لو اكلمت عليها محتاج عشر مواضيع مش موضوع واحد

انا عايز اكلم عن حاجه واحده و معرفش كمان نزلت قبل كده و لا لا بس اهو جيت افضفض معاكم و لو مكرر يبقي طلعت الي جوايا و خلاص

انا نازل من بيتنا وحاطط الشنطه علي كتفي و نازل ركبت الميكروباص بعد عذاب و جري و تنطيط و نزلت في الجيزه علشان اروح علي كليتي الاقي منظر غريب جدا


بنت محجبه و تمام و بلوزه واسعه ووووووووووو جيبه قصيره طب سؤال يطرح نفسه تيجي ازاااااااااااااااااااااااااااااي؟


شويه و ابص شمالي (ماشي ببصبص انا عارف بس علشان اركز و اجيبلكم مشاكل و اراء ما وراء الطبيعه الي بينعشها) الاقي ايه بنت محجبه و محترمه و ننزل شويه نلاقي بنطلون ضيق جدااااااااااااا و قصير تحت الركبه بالضبط طب حد يقولي ازااااااااااااي؟

هل الحجاب بقي موضه؟ مجرد شكل بنلبسه علي اي لبس بدون احترام الحجاب ده ؟

و الله انا متوقع في يوم اشوف واحده لبسالي كت و فوقيه حجاب ما هي بتيجي بالتدريج

الصراحه انا معنديش كلام تاني الا الصمت مع عباره نو كومنت كبيره اوي ارسمها علي وشي لما اشوف المنظر ده انتوا بقي ايه رايكم؟

انت عندك حق يا ميرو
بس كمان العتاب على اهاليهم
اللى بينزلوهم كدا من البيت اساسا
اللهم اعفينا من هؤلاء ولكن يا امير دول
اللى رسولنا الكريم قال عليهم (كاسيات عاريات)
ربنا يستر علينا
وسلامى ليك يا ميرو
نودى

واللة انتا جاى على الجرح خصوصا فى دخلة الصيف الى كل ما الحر يشد على البشر يخلوا الموضوع اصعب واصعب
بجد بقينا بنقلد الغرب تقليد اعمى بقينا بنحاول نبعد عن عادتنا وتقاليدنا كمسلمين
بجد يا امير الموضوع بقة رخم بقيت اشوف البنات فى الجامعة محجبين بس للاسف تقريبا مش لابسين
ربنا يهدى البنات كلهم لان المشكلة ان دلوقتى بقة فية فكر غريب عندهم وهو ال يعنى كل ما تبقى لابسة كت وضيق هتتجوز بسرعة وطبعا كل دة تفكير اهبل لاننا بندور على البنت المحترمة والمتدينة فى حتت الجواز دى بالذات بس فى النهاية العيب على البيت الى البنت خارجة منة قبل ما يكون عليها
وشكرا يامان على التوبيك ومعلش طولت عليكم

اميرة العشق والرومانسية كتب:

انت عندك حق يا ميرو
بس كمان العتاب على اهاليهم
اللى بينزلوهم كدا من البيت اساسا
اللهم اعفينا من هؤلاء ولكن يا امير دول
اللى رسولنا الكريم قال عليهم (كاسيات عاريات)
ربنا يستر علينا
وسلامى ليك يا ميرو
نودى

ميرسي اوي ليكي يا نودي علي ردك الي نورني و اكيد العيب في اهاليهم بس برده هم عليهم غلط برده

RoMyCaT كتب:

بجد والله حاجة بضايقنى جامد اوى لما بشوف المناظر دى

والمشكلة ان النوعية من البنات دى معظهم طبعا ومش بقول كلهم بيبصو للبنت المحترمة اللى لبسة واسع وطويل بقرف كأنها لبسه مبهدل

وانا بقول لكل بنت محترمة لما تشوف البنات دول تكرر الدعاء ده
((الحمدلله الذى هدانا لهذا وما كنا للنهتدى لولا ان هدانا الله)

ميرسي اوي يا رومي علي رايك و علي ردك الي نورني

m00n light كتب:

واللة انتا جاى على الجرح خصوصا فى دخلة الصيف الى كل ما الحر يشد على البشر يخلوا الموضوع اصعب واصعب
بجد بقينا بنقلد الغرب تقليد اعمى بقينا بنحاول نبعد عن عادتنا وتقاليدنا كمسلمين
بجد يا امير الموضوع بقة رخم بقيت اشوف البنات فى الجامعة محجبين بس للاسف تقريبا مش لابسين
ربنا يهدى البنات كلهم لان المشكلة ان دلوقتى بقة فية فكر غريب عندهم وهو ال يعنى كل ما تبقى لابسة كت وضيق هتتجوز بسرعة وطبعا كل دة تفكير اهبل لاننا بندور على البنت المحترمة والمتدينة فى حتت الجواز دى بالذات بس فى النهاية العيب على البيت الى البنت خارجة منة قبل ما يكون عليها
وشكرا يامان على التوبيك ومعلش طولت عليكم

ميرسي ياباشا علي ردك و عندك حق و الله و حلو المبدا ده كده بشري خير ان مفيش بنت هتتجوز ههههههههههههههههههههههههههههههه

انتا شكلك عاوز تزعل البنات منى
ياعم كلهم هيتجوزوا
اساسا نص بنات المنتدى مخطوبين
ههههههههههههههه
نايس توبيك مرة تانية يا ميرو

هههههههههههههههههههههههههههه
علي فكرة يامون انت فعلا مش عايز البنات تتجوز >>>>>>>>> بهدي النفوس



حقيقي يا امير نايس توبيك
زلا تحرمنا من كل جديد

بص يا شريف انت عندك حق
بس مش هى دى النظرية
ان البنات لما يقلدو الغرب هيتجوزا
ولما يحترموا نفسهم مش يتجوزوا
النظرية ان الشباب هى اللى بتحسسهم بده
مش بدافع عن البنات المتخلفة اللى بتفكر بلاسلوب دا
بس المشكلة ان الشباب بتفضل البنات اللى من النوعية الاولى
ومعلش طولت عليكم نودى

m00n light كتب:

انتا شكلك عاوز تزعل البنات منى
ياعم كلهم هيتجوزوا
اساسا نص بنات المنتدى مخطوبين
ههههههههههههههه
نايس توبيك مرة تانية يا ميرو

هههههههههههههههههههههه ميرسي يا مون علي متابعتك

alover كتب:

هههههههههههههههههههههههههههه
علي فكرة يامون انت فعلا مش عايز البنات تتجوز >>>>>>>>> بهدي النفوس



حقيقي يا امير نايس توبيك
زلا تحرمنا من كل جديد

ميرسي اولفر علي ردك و الجديد قريب جدا

اميرة العشق والرومانسية كتب:

بص يا شريف انت عندك حق
بس مش هى دى النظرية
ان البنات لما يقلدو الغرب هيتجوزا
ولما يحترموا نفسهم مش يتجوزوا
النظرية ان الشباب هى اللى بتحسسهم بده
مش بدافع عن البنات المتخلفة اللى بتفكر بلاسلوب دا
بس المشكلة ان الشباب بتفضل البنات اللى من النوعية الاولى
ومعلش طولت عليكم نودى

مين قلك ان الشباب بتفضل البنت الي بتقلد الغرب مستحيل طبعا ممكن يمشوا معاهم اه يعيشوا اللحظه معاهم اه لكن وقت الحب اكيد بيدوروا علي المحترمه و ميرسي كتير علي ردك

علاء متعب كتب:

طبعا دة موضوع مفروغ منة بس احنا المصريين كا عقلية رجعية بقى بنحاول نقلد الغرب
الشاب تكون البنت المحترمة قدامة وكل حاجة تلاقية رايح لواحدة لابسة .....
لا حول ولا قوة الا بالله
والتخلف بقى بتاع مش عارف مين الى خرج يقول الحجاب حرام
والمشايخ بتوعنا بتوع الازهر ولا كأن حاجة حصلت
تحياتى للموضوع الرائع دة

ميرسي علاء علي ردك الي نورني و ربنا يهدينا و يهديهم