الاهالي دي هتجننيييييييييي

هي ثوره ضد الاهالي طبعا واحد هيرا الكلمه دي هيعمل عليا انا ثوره و يقولك حرااااااااام عليك ده دول الي بيكلونا و يشربونا و و و و هيعد علي صوابع ايده و رجله و صوابع الي جنبه و ياسلام لو قاعد في سيبر هيعد للصبح


اسمعني للاخر و بعدين علق اشطه؟
اشطه طبعا من غير نقاش يعني


ندخل بقي في الموضوع

اعتبروا اتنين بيحبوا بعض و ليكن احمد و مني واحد هيجي يرخم و يقولي انت هتتكلم عن الحب و لا الاهل هقوله اصبرررررررررررر للاخر مصدعنيش


احمد و مني طلبه في الجامعه بيحبوا بعض اوووووووي و الواد فعلا مستعد يتقدم و الدنيا تمام بس مستني يتخرج و بيحافظ عليها يعني من الاخر حب بجد اوي عايز بقي يثبت لمني انها كل حياته و انه جد و مش بيتسلي راح الواد دخل علي والدته و كلمها

احمد:ماما عايز اقولك حاجه؟
ماما:نعم يا احمد
احمد:بصي انا هقولك زي ما بقولك كل حاجه انا بحب بنت عندي في الجامعه اسمها مني و هتقدملها اول لما اتخرج



طبعا و شفتها كتير و الله تيجي هنا الام و تعيش دور القاضي تطلع عيوب الدنيا في البت من غير ما تشوفها و طبعا احمد بيه متمسك بالبت بيحبها اوي طب وريني يابني صورتها يوريها الصوره تقوم قيلاله ازاي امممممممممم لا يابني مش مستريحالها حاسه انها مش طبيعيه كده ال يعني متصوره بتشد في شعرها


المهم مفيش فايده في احمد بيحب مني و مش قادر يستغني عنها و يقنع امه انها تكلم مني و تعرفها انها عرفت و تبقي مفاجاه حلوه اوووووووووووي لمني الي تتبسط اوي لما حماتها تكلمها و تتعلق باحمد اكتر و اكتر

احمد بقي عايز يثبت حبه اكتر يطلب من مني انها تقول لامها برده و انه يكلم مامتها و تتم مناقشه شبه دي و يمكن اعنف و اعنف لحد لما احمد يكلم مامه مني و يقنعها بيه


كده بقت الدنيا تمام و علاقتهم بقت في النور و مفيش حاجه مستخبيه اه الاهل اعترضوا شويه بس علشان خايفين علي عيالهم ميعرفوش بيرتبطوا بمين دول و ده حقهم لا اعترض علي دي


يجي بقي اعتراضي الي علشانه صدعتكم كده

نيجي نبص علي احمد يطلب فلوس من امه تقوله ليه يقولها علشان الكليه و كده تقوله ااااااااه و لا علشان تكلم مني؟ يجي تليفون احمد يرن تقوله رد علي مني ما انت مش بتزاكر و لا حاجه يا ماما اولا الي بيتصل الي معايا في المشروع و اان مش بزاكر ايه ما انا لسه مقفل الميد تيرم امبارح تقوله برده يا احمد مش حساك بتزاكر زي الاول


و نلاقي نفس الموضوع مع مني تليفونها يرن مين الي بيتصل يا مني ده خالي يا ماما خالك و لا احمد؟ يا ماما و الله خالي خدي كلميه

الام تكلمه يطلع خال مني فعلا تقولها طب زكري عدل و البت اصلا مقفله الامتحانات




طب لو احمد مكنش قال لمامته و لا مني قالت لمامتها هل ده كله كان هيحصل؟ كانوا هيفضلوا مع بعض لحد لما يتقدملها و من ورا اهلهم صح؟


طب يبقي الاهالي عايزين ايه نخبي و نحب من وراهم و مش الحب بس اي حاجه تبقي من وراهم و نغلط من وراهم و نصحح الغلط برده من وراهم و بدون اي توجيه منهم بقي ما هم ميعرفوش حاجه عننا و سعتها هنبقي عايشين تمام

و لا نقولهم و يبقوا معانا في مشاكلنا بس يحاصرونا دون مراعاه لمشاعرنا و لا مشاعر الي بنتعامل معاهم

الاهالي عايزين ايييييييييييييييييييييييييييييييييييييييييييييييييييييييييييه؟

ده موضوعي فكرت فيه الصبح و رجعت كتبته كل واحد فينا عنده قصه زي دي يقولها و نشوف الاهالي عايزين ايه؟

شكلك مخنوق اوى يا امير

معلش قلبى معاك


انا برده ساعات بتخنق واقول جوايا

هما عايزين ايه

بس بنسمع الاسطوانة المشروخة

((ده من خفهم عليكم ده عشان مصلحتكم هما اكبر منكم وعارفين الدنيا كويس عنكم ......................................الخ))

انت عندك حق يا امير
انا عندى قصة
انا كنت بكلم ( خطيبى حاليا )
قبل الخطوبة ب 8 شهور
وماما ومامته كانوا عارفين
بس لحد لما اتقدملى واتخطبنا
وبس
سورى طولت عليكم
سلام

بس انا اعتقد ان الاهالي علي حق
بس بيعبورا بطريقه او باخري
بتفرق من شخصيه لاخري
بس فعلا
الاسطوانه المشروخه
هما خايفين علينا
ههههههههههه
انا خنقتكم
شكرا يامان علي الموضوع

RoMyCaT كتب:

شكلك مخنوق اوى يا امير

معلش قلبى معاك


انا برده ساعات بتخنق واقول جوايا

هما عايزين ايه

بس بنسمع الاسطوانة المشروخة

((ده من خفهم عليكم ده عشان مصلحتكم هما اكبر منكم وعارفين الدنيا كويس عنكم ......................................الخ))

ايوووووووووون نفس الاسطوانه الي اصبحت فرمان غير قابل لتعديل و كان الاهل دول ملايكه مش بيغلطوا احلي حاجه انك معايا في الراي و علي نفس الخط ميرسي اوي علي ردك

اميرة العشق والرومانسية كتب:

انت عندك حق يا امير
انا عندى قصة
انا كنت بكلم ( خطيبى حاليا )
قبل الخطوبة ب 8 شهور
وماما ومامته كانوا عارفين
بس لحد لما اتقدملى واتخطبنا
وبس
سورى طولت عليكم
سلام

مش طوولتي و لا حاجه بس الي عايز افهمه ليه الاهل بتعمل كده و هيستفادوا ايه وة ايه غرضهم طب احنا نعمل ايه بقي ؟

alover كتب:

بس انا اعتقد ان الاهالي علي حق
بس بيعبورا بطريقه او باخري
بتفرق من شخصيه لاخري
بس فعلا
الاسطوانه المشروخه
هما خايفين علينا
ههههههههههه
انا خنقتكم
شكرا يامان علي الموضوع

لا ياعم و خنقتنا ليه بس و شكرا انت علي ردك بس برده محدش قلي طب نعمل ايه؟ ايه الحل ؟