قوانين منتدي حب الحياه

تعالوا بقي نكلم جد شويه و نحط قوانين علشان كلنا نمشي عليها اووووووووووكي؟؟

1- العضو:
1- عضو هيدخل المنتدي يبعت رسايل للاعضاء بدعوه لمنتدي تاني هجيبه و هياخد بان 4 ايام مع التحذير علي الميل لو اتكررت هينطرد

2- عضو يدخل باسم بنت و هو ولد و يدخل يشتغل الناس لا الكلام ده مش هنا هيتم في الاول تحذيره اتكررت بان 4 ايام اتكررت طرد من المنتدي

3- عضو بقي عملي حبيب داخل المننتدي يبعتلي رسايل للبنات و يعاكس فيهم انا مش مسؤؤل عن الناس هنا بس لو حد اشتكي هيتم تحذير العضو لو اتكرر بان 4 ايام لو اتكرر طرد

4- بالنسبه التوقيعات هيتم حذف اي توقيع فيه اهانه لشخص ما او اهانه للدين او للحياء و في حاله التكرار بان يومين ثم طرد لو اتكررت تاني

5- حبيت بس اقول الي يعملي زكي و ياخد بان باسم يدخل بواحد تاني هعرفك بكل سهوله و اجيبك عندي مليون الف وسيله



2- الموضوع:

1- اي موضوع خارج من ناحيه الدين او الاخلاق هيتم حذفه و تحذير صاحبه و في حاله التكرار منع من عمل مواضيع جديده 4 ايام و في حاله التكرار بان اسبوع و في حاله التكرار طرد

2- الموضوع الي محطوط في مكان مش مكانه هيتم نقله دون اخطار صاحبه هتقولي اجيبه منين طيب اعمل بحث عن مواضيعك


3- الرد:
1- الرد يكون في نطاق الموضوع و اي رد خارج عن نطاق الدين و الاخلاق عقوبته زي رقم 1 في الموضوع اطلع و اقراها تاني

2- ادخل موضوع بقي مناقشات بيكلم عن البطاله في مصر و الاقي اتنين بيكلموا اصل سوس امبارح شربت قهوه سكر زياده و هي بتشسربها من غير سكر و التاني يرد عليه يقوله مش عارف ايه اي حوارات خارج نطاق الموضوع هيتم حذفها دون اخطار مسبق و في حاله التكرار بقي سعتها هنقرر نعاقبه ازاي حسب الردود

3- اتنين اعضاء بيحبوا بعض يدخلوا كل موضوع يحبوا في بعض شويه الكلام ده يا حلوين علي الماسنجر او في الفون لكن في المنتدي لا كلنا عايزين نفيد و نستفيد و نتكلم في نطاق الموضوع


الشكاوي:

1- حد ضايقك مخنوق من حد مخنوق من قانون الاداره مستقصداك اي حوار من ده خش قسم الشكاوي و اعمل توبيك و قول الي جواك هيترد عليك شور في خلال 24 ساعه علي الاقل







دي القوانين و قابله للتعديل

حقيقي ده اللي المفروض يتم
وانا موافقك علي الشروط ومش عندي اي مانع خالص
بل بالعكس انت كده بتبحث عن رقي المنتدي
ولك احترامي علي تعبك ياجميل
كريم